خوفي على قدري ... من قصائدي

دائماً نعتقد بأننا نعيش حياة سعيده مع من نحب

ونعتقد ايضا بننا لا نستطيع العيش بدونهم

ولا نتصور الحياة بدونهم كيف ستصبح بعد الفراق

ولكن الأكيد


أن الحياة هي الحياة


تمر الشهور وتمر السنين ولا نزال على قيد الحياة

في السابق كنت متردد على ان انشر بعض القصائد الخاصه بي


وهي متعلقه في هذا الموضوع

اليوم انا هنا وسوف انشرها ليس من اجل ماخطت اقلامي لأجلها

فلا شئ يستحق ابداَ


بل سوف انشرها من اجل نفسي ومن اجل من شجعني


في النهاية وقبل البداية

(لا انسى شكر كل من سقطو من عيني فلا شئ يستحق ابداً)






خوفي على قدري




والله لو ماخوفي على قدري وخاطري المكسور
كان قلتها من بدري( أحبــــك).. يابعــــد حالي



أحبك ياكبر هالكلمة عجزت أخفي غلاك شهور
وعجزت ألقى من يعوضني غلاك وقدرك العالي



أحبك .. ياكثر مانمت وقلبي من الوله مقهور
أحبك ياكثر ماشفتـك (حزيــنه).. داخل خيالي



نطق قلبي (اعزك) وهو: مو مقتنع مجبور
يلمح لك انك أنتي "الوحيده" ومنزلك منزالي



تعبت أخفي ..ماخافه قلبي عن غلاك شهور
وتعبت اشـكي لشمــوخ عن (ســـر غربالي)



تعبت ابكي: وتعبت اشكي وكل هالتعب معذور
لجل عينك (ماتفارق) عيوني وتقطع: سؤالي



أمانة.! لا نويتي الغياب تعالي وكشفي المستور
تعالي شوفي وش أنا بدونك حزين ودمعتي سالي



تعالي ومســـحي دمعي ترى هالدمـــع: منثــــور
لجل عينك ماتفارق عيوني (وتقطع وصالي)










رابط القصيده بإلقائي

http://www.4shared.com/file/247862544/172ec452/kate_almaksoor_2.html

ملاحظه / اللي مايطلع عنده الرابط وطالعه عنده مثلثات ومربعات وصور ينسخها عادي
ويحطها في شريط العناوين
المبربعات هذي طالعه كذا لاني انشأت موضوعي في متصفح الفيرفكس